Serikali ya Mapinduzi ZNZ yakanusha wawakilishi kuihusisha serikali ya oman na upotevu wa nyaraka za serikali

Waziri wa nchi ofisi ya Makamu wa pili wa Rais Zanzibar Mohamed Aboud Mohamed.

Na MAELEZO ZANZIBAR 

SERIKALI YA MAPINDUZI YA ZANZIBAR IMEKANUSHA TAARIFA ZILIZOTOLEWA NA BAADHI YA VYOMBO VYA HABARI KWAMBA WAJUMBE WA BARAZA LA WAWAKILISHI WALIIHUSISHA SERIKALI YA OMAN NA UPOTEVU WA NYARAKA ZA SERIKALI.

 HAYO YAMEELEZWA NA WAZIRI WA NCHI OFISI YA MAKAMU WA PILI WA RAIS ZANZIBAR MOHAMED ABOUD MOHAMED KATIKA TAARIFA YAKE ALIYOITOWA KWA VYOMBO VYA HABARI.

TAARIFA HIYO IMESEMA HAKUNA HATA MJUMBE MMOJA WA BARAZA LA WAWAKILISHI AMBAYE KATIKA MCHANGO WAKE KWENYE BARAZA HILO ALIIHUSISHA SERIKALI YA OMAN NA UPOTEVU HUO.

AIDHA TAARIFA HIYO IMESISITIZA KUWA SERIKALI YA OMAN HAIHUSIKI NA UPOTEVU WA NYARAKA HIZO NA WALA HAIKUMTUMA MTU YEYOTE KUFANYA JAMBO HILO.

TAARIFA HIYO IMEELEZA KUWA OMAN NA ZANZIBAR NI NCHI ZENYE HISTORIA KUBWA NA MASHIRIKIANO MEMA HIVYO SI VYEMA KWA KUTIWA DOSARI KWA TAARIFA ZISIZO SAHIHI ZINAZOTOLEWA NA BAADHI YA VYOMBO VYA HABARI.

TAARIFA HIYO IMESEMA WAJIBU WA VYOMBO VYA HABARI NI KUYAENDELEZA MAHUSIANO MEMA NA MASHIRIKIANO YALIYOPO BAINA YA SERIKALI YA OMAN NA ZANZIBAR

IMETOLEWA NA MAELEZO ZANZIBAR.